طقوس إزالة المكياج ..

 خطوات إزالة المكياج عندي بسيطة وسهلة وطبيعية اذا جاز التعبير .. احاول ابتعد عن المنظفات الكحولية او الصابون واقترب لـ الطبيعية اكثر .. كثير يمدحون الفازلين وزيت الزيتون كمنظفات لكن بعدها اضطر لأستخدام الصابون او منظف وهذا الشي احاول ابتعد عنه قدر الامكان ..

 الين قرأت من زمان ان افضل مزيل للمكياج هو الزبادي .. منه إزالة ومنه ماسك سريع للبشرة بعد طبقات المكياج .. وفعلاً طبقت الطريقة ونجحت بجدارة ممتاز جداً وسريع .. طريقتي اضع الزبادي على البشرة بالكامل واتركه كم دقيقة مع شوية مساج خفيف .. يساعد بإزالة المكياج واستخدم حلقات القطن وهذي النتيجة 
ترررررا :D

لما استخدم كحل قلم او كحل سائل عادي اقدر استخدم الزبادي ويزيله بسهولة..لكن لما استخدم الكحل الكريمي بيكون صعب شوي .. فـ استخدم مزيل المكياج من جونسون خفيف ويشيل الكحل بسرعة من مسحة وحدة ..

الميزة فيه حتى لو اكتفيتي فيه مايضر ولا يلبد على البشرة ولا ينشفها واهم شي انه مو ثقيل خفيف جدأ ..

الخطوة الاخيرة من الطقوس .. دايماً اعاني من بعد الكحل والماسكارا حتى بعد التنظيف من اصحى من النوم الاقي عيون الباندا مثل مايقولون تنتظرني :(
الين دليت طريقة حلوه وبسيطة ومفيدة لماحول العيون .. الي هو قبل ماانام استغني يوم عن كريم الهالات السوداء .. وامسح الرموش والمحيط كله بالفازلين
وبعد النوم الاقي تحت عيوني ماتبقى من الماسكارا الي ماقدرت اشيله وامسحه قبل مااغسله بالمويه .. وحتى مع هالطريقة مع انها خففت كثير من التعب يبقى سواد
حتى شفت مقطع باليوتيوب اعطتني خطوة سهلة اتخلص من هالمشكلة بأستخدام
اعواد القطن امسح فيها داخل عيوني .. انا اسويها كاني اكحل عيوني بالقلم رايح جاي .. تشيل كثير وبعده احط الفازلين واكمل طريقتي عادي ..

على كثر ماشلت بالزبادي وبالمنظف لكن هذي افضل طريقة للكحل والماسكارا بالاظافة للفازلين مثل ماقلت .. 

بكذا اشوف ان طقوسي اكتملت وماصار عندي مشكلة مثل قبل .. تم الاعتماد والتطبيق من الآن فـ صاعداً