فيلم The Lady 2011

اول ماشفت بوستر الفيلم على طول تذكرت ايام طفولتي نفس الشخصية كنت اشوفها بالاخبار ورسخت ف بالي بطريقة لبسها والورد
الي تحطه بشعرها وبحثت عن التورينت وحملته حتى ماكان فيه ترجمة وانتظرت الين توفرت وتفرجت عليه بشغف :)
الفيلم سيرة ذاتية ودراما عن زعيمة المعارضة البورميه اونغ سان سو تشي يتناول سيرتها ويستعرض جزء بسيطة جدا من طفولتها كأبنة من ساعد على استقلال بلادها ..ويتناول اسباب رجعوها من انجلترا لبورما واصرارها على البقاء لمساعدة ابناء شعبها
في الحصول على الحرية والديمقراطية ..
ساعدني الفيلم ان ابحث عن سيرتها بالنت واكتشف اكثر واكثر عنها بالذات انها من بلد بورما التي يعاني فيها المسلمين اضطهاد وتصفية عنصرية من النظام العسكري 

imdbويكيبيديا

مشتريات 4

 

الاحلى بمشترياتي هالمره اني لقيت اغراض ماكنت متوقعتها مع اني نازلة بس اتمشى واتفرج ولا في بالي اشتري اي شي 

لكن عاد في مثل هالحالة نلاقي كل شي حلو قدامنا وزين معي فلوس والا قعدت اتلحطم او احايل امي لين نوصل للبيت :((
1_كريم فازلين توحيد اللون ..الي دخت عليه الين حصلت وللأسف مالقيت الحجم الكبير لكن اهم شي
نلاقيه وسعره مقارنة بغيره من نفس الحجم اغلى :(
2_الشي الثاني الحلو هو مزيل المناكير العلبة ويحتوي على مواد مرطبة..
صناعة تركية سعره بـ 10 ريال فقط .. واتذكر اني شفته في بازار كان سعره بـ35 ريال .. بصراحة قنوعات التاجرات جداً
3_ ماسك للشعر صناعة انجليزية اخذت الحجم الصغير جربته مرتين حلو بس لاحظت عليه ريحة عطرية قوية مقارنة بماسكات الشعر الطبيعية
كل شي مكتوب بالانجليزي ماعدا ستيكر بطريقة الاستخدام ..بس الي عجبني وخلاني اشتريه هو صناعته .. اتحمس للمنتج اذا كان
بريطاني ايطالي وهكذا اطمئن شوي.. سعره بـ 45 ريال
4_مناكير لون بيج او ترابي عجبني واخذته بـ15 ريال
5_ مناكير مفرقة احتاجها بالفترة الجاية ..لزواج اخوي :$ بـ 15 ريال كعادتة هذه النوعية..

كاساديا دجاج

الحلو بالكاساديا تقدرين تبدعين بالحشوه على كيفك سهلة وماتحتاج جهد او عجن وتخمير.. خبز تورتيلا واجبان والاكيد الحشوه
بتطلع احلى اكيد اذا فيه تغميس :$
المقادير:
دجاج
جزر مبشور
بصل مقطع نصف شرايح
فلفل بارد
بهارات
جبن سائل
وجبن موزريلا وشيدر مبشور
والخبز التورتيلا

قبل لانحشيها نمسح بالجبن السائل على التورتيلا ونضيف الحشوه وفوقها الجبن الموزريلا والشيدر ونسفطها مثل الصورة
بعدين نحطها بالشواية الين تتحمص

نتطلع مقرمشة ولذيذة .. الاهم نكثر الحشوة وكل مازادت كل ماطعمت بالتورتيلا..

 بعدها نقطعها بالنص ونقدمها مع تغميس ..عبارة عن زبادي وملعقة مايونيز وجبن سائل وملح وفلفل وبالعافية

 

هنا سويتها بحشوة اللحم مع الذرة ..كانت اطعم بكثير :$

بسبوسه بالحليب والقشطة

حلى من احلى الحلا واقربهم الى قلبي ونفسي وبطني :$ :|

طعمه ولذيذة بشكل :$ والحلو فيها حلو والحليب البودرة معطيها طعم حلو حلو ..:$ 

وهنا الوصفة اخذتها من ريامي بالانستقرام حساب روعة بالوصفات والاكلات اللذيذة ryaaami@

بالنسبة للشيرة اخترت حليب سائل وفنجالين سكر طلع اطعم بكثير ..تستاهل التجربة

 

شفايف لوز !)

ارواج من ماركات الدراق ستور كالعادة هالمرة اخذتها على حسب نصيحة بعض البنات وشهرتها بشكل عام..اخذتها من محل عادي ارخص بكثير من السنتر بوينت

الاول من ريميل رقم 030 درجته روعه بشكل رايق وبسيط
الثاني من نيفيا رقم 35 وردي غامق حلو اللون مع اني مااقتنعت فيه .. لأن الباقي على اللستة مالقيت منهم الا هذول
اسعارهم 25 ريال فقط

جميل جمال :$

فكرة جت على بالي وشفتها اكثر من مرة في كذا مدونة وعجبتني ,,وبعد ماشريت شبشب اصبع مع اني ادور على شبشب عادي حتى
مايأثر على جلد من كثر مايحك برجلي يتغير لون الجلد وماينفع معه التقشير او الكريمات لأن المؤثر مستمر
فـ فكرت اعمل هالفكرة حتى يقل الاحتكاك .. وفعلاً تم لي مااردت 

هنا كانت البداية .. اخترت اللون المناسبا والقريب من الوان الشبشب وبديت فيه لكن كانت المشكلة في الانحنات والجهة اليمين
في يدي تمشي وتعطي الشكل المطلوب الصعوبة في الجهة اليسار تختلف في شكل الغرزة 

هنا واضح الاختلاف في الجهتين .. اليمين طالعه بشكل اكس بعكس اليسار جايه غرزة مستقيمة بدون تضارب .. حاولت احل

ماقدرت ومشيت الشغل عادي :D

وهنا الشكل النهائي الرهيب .. اضفت لها وردة عملتها بفكرتين ..
باللبس مريح جدا على رجلي وخف الاحتكاك ان ماكنت اختفى وماعاد احس بلبده البلاستيك الي يغير لون الجلد
العمل كان لسبب وحتى اتخلص من مشكلة .. ومع ذالك افكر ارجع اعمل شبشب ثاني بشكل احلى واتلافى اخطائ بالتجربة الاولى
نلتقي

اعمال فشلت

اكثر من عمل كروشيه ابتدي فيه واستمر فيه حتى تبين ملامحه بعدين اكتشفت اخطاء واغلاط لاتغتفر وافكه :(
في الغالب اكون ماشيه مع الباترون وتكون اخطائي غبية وبسيطة .. وبعض الاحيان تكون من راسي كيفما اتفق
بالاضافة للخيوط الي نفسي اشتغل فيها بس مو لاقيه فكرة معينه تناسبها مره شال .. ومره قبعة ..ورود ونفسي اعمل بيلرو
بس مو لاقيه الباترون الي يعجبني 

الصورة الاولى كان المشروع عبارة عن خدادية من قميص شتوي عندي توقف العمل لسبب بسيط جداً .. الماكينة خربت :,(
الي بعده عبارة عن قاعدة للكوب متحمسه لها لكن ماجت مثل اللي في بالي ومااشتغلت على باترون لأن عملها بسيط
تحت عجبني باترون لربطة شعر مشغولة بالكروشيه لكن غلطت اني مشيت بالحشو دار مادار الربطة وماتقيدت بالباترون
وبعد الراوند الثاني بانت الاخطاء
الاخير هو سكارف باترونه بسيط وغير معقد اهم شي .. ومع ذالك ماعجبني الشغل وكان مو بالعرض المناسب
وتم فك الاعمال والخيوط نتتظر افكار افضل ونفس رايقه