الاثنين، 29 أكتوبر 2012
مشتريات
مقشر جولان تم مدحه لين قطعوا فيه .. فتم الشراء بـ 12 ريال كالعادة وللحين بدون تجربة :D
تونر من همالايا بدون كحول حلو وخفيف وينظف من قلب بـ 16 ريال كارفور
شامبو Argabeta من شركة دكسون يحتوى على زيت الاركان وخلاصات الطحالب البحرية
من عطار البحرين الكنز العجيب كالعادة بـ 45 ريال ومالقيت الماسك للأسف
حبيت اغير عن الشامبو الاول من نفس الشركة بالذات اني مالاحظت تغيرات على شعري
مع اني استخدم فيتامينات وخلطة السدر بس لاحياة لمن تنادي
هنـــا مقطع عن المنتج
الأحد، 28 أكتوبر 2012
مكياج 6
ورجعنا مرتن اخورى :D
هالمشتريات هالمره لماقبل العيد
عدسات كلير رمادي بـ 55 ريال فقط ماعجبتني وبالعين مزعجة
بلشر درجات المشمشي ثلاثي من ماركة كازنوفا بـ 40 ريال ..هالماركة اقتنعت فيها بعد ماجربت البودرة
الارواج الي سوت ضجة بين اوساط البنات بعد حلقة مجربة بـ 40 ريال
اهم وافضل واكشخ مافي المشتريات كريم BB من غارنية
بعد بحث مرير عن هالكريم بما انه من شركات الدراق ستور الي انا من اكثر المؤيدات والمشجعات لها بقوة
من الدانوب حياة مول الى كارفور غرناطة واتفاجأ اني الاقيه بمحل عطار البحرين للمكياج :(
اخذته من كافور ومالقيت الا درجة متوسط بـ 29 ريال
خفت من درجة اللون بس توكلت على الله واهم شي اني لقيته غامق فاتح مو مهم .. مع الاستخدام طلع بالعكس تمام وبدرجة اغمق بشكل
بسيط
يترك البشرة ناعمة صحية تغطية عادية .. باقي استمر اكثر بالذات وقت الدوام راح تبين النتائج اكثر
حليب الصويا
تجربتي اليوم بتكون عن شرب حليب الصويا ..بعد ماسمعت عن فوائد فول الصويا للجسم بالذات لجسم المرأة وفوائده الكبيرة
وغناة بالبروتين مثله مثل حليب الابقار انما بديل آمن نباتي ويكيبيديا وكثير من الفوائد واللي شجعني اجربه انه يعزز الهرمون
الانثوي بجسم المرأة ويعمل على امتلاء الاجزاء الانثوية فيها :D
فجربت قبل فترة عمل حليب الصويا بنفسي بالبيت حتى اضمن فوائده واخذت الطريقة من هنـــا وفعلا راح تستغربين ان هذي الحبوب
الشبيهة بالفاصوليا راح تتحول لحليب عادي ..جربتها لمدة اسبوعين فقط الطعم مو ذاك الزود لكن كنت اضيف نسكافيه كاكاو بودرة
احاول اعطيه نكهة علشان اقدر اشربه .. بصراحة مااقدر اقيم التجربة لأني مااستمريت فترة كافية!!
الآن قررت ارجع له مره ثانية لكن الفترة لابد ان تكون شهر واكثر .. لكن بكون الحليب جاهز خصوصاً ان الشركات المصنعة
تضيف له الكالسيوم وراح يغنيني عن الحليب البقري
فبحثت بالسوبرماركت ولقيت من شركة الربيع صناعة المانية بالاضافة لشركة اخرى ..لكن رجحت هالشركة هذي فيه منه نكهات
بس اخذت الطبيعي كتجربة
لكن الحلو لقيت طعمه حلو وطبيعي بعكس الي سويته بالبيت :$ فرجعت مره ثانية واخذت كمية تكفيني اسبوعين بالكثير
لأني اشرب كاسين باليوم صباحاً ومساءً
تجربتي بدأت من ثلاث ايام بالضبط .. وراح اسجل ملاحظاتي بهذي الفترة كتوثيق واتمنى الاقي النتائج المرجوة
الخميس، 18 أكتوبر 2012
مكياج 5
مشتريات بسيطة لكن مهمة بالنسبة لي وكنت ابحث عنها من مدة طويلة..
اولاً: كونسيلر من كريولاين من كثر مايمدحونه كل مانزلت للسوق اسأل عنه وحافظة صورته بجوالي وهذا حالي
الين نزلت لسوق حياة مول ولقيت محل كامل بس لماركة كريولاين .. وعينك ماتشوف الا النور ههههه
هجووووووووم وبسرعة ابغى الكونسيلر حقكم وينه ... وصف قدامي اربع درجات !!
وبعد تجارب واخذ وعطا اشتريت A درجة متوسطة مابين الفاتح والوردي وبعد فيه البروز اخذته بـ 130 ريال اشوف سعره حلو
ومناسب ..
جربته بالبيت وكانت احباط مااادري علشانها تجربة اولى ( واتوقع هذا السبب ) او كنت عاقدة آمال عريضة وكبيرة على هالمنتج
وطلع عادي واقل من عادي .. او هالاتي مستعصية ..جاري تجربته كثيراً
الشي الثاني المهم بنظري وكانت رووعة اخذت كحل كريمي من مابيلين (كنت شاريه الاسود كـ كحل ) ونصحني اني اخذه لأنه
يمشي كحل وتاتو للحواجب ويقعد يومين بالكثير
واخذته ماتندمت ابداً فعلاً افضل واحلى واسهل من تاتو ماك الي كم شهر ونشف ومااستفدت منه بصراحة الا من فرشته العملية
مابلين كل يوم استخدمه لحواجبي واول ماشافوني توقعوا اني عامله تقشير .. اخذته بـ 45 من الدانوب واكيد راح القاه ارخص
مثل ماشريت الاسود بـ 35 ريال بس من محل عادي!!
لشعري
معاناتي مستمرة مع شعري .. اذا خلصت من تساقط الشعر طلعت لي مشكلة جفافه وتكسره خصوصاً مع استخدام خلطة السدر
خلت شعري جاف والشعيرات القصيرة متطايرة بشكل يفشل فقررت ابحث عن كريم مرطب للشعر يناسب مشكلتي
اخذت كريم دابر املا لتكاثف الشعر بـ 10 ريال فقط
الشي الثاني لقيت طريقة بسيطة وعملية لعمل ويفي للشعر بدون الات وتعب بس ناقصني رغوة خفيفة وماتلبد الشعر
وحصلت من ويلا لتموجات الشعر وتتحمل حرارة المصففات بـ 19 ريال
وجربتها على طريقتي وطلع الشعر مع الويفي رائع والكل مو مصدق انه بدون فير :$
الجمعة، 5 أكتوبر 2012
الليلة ياخوي غير..مو مثل اي ليلة ..والليل هذا غير واحنا نغني له
.
من مناسباتنا السعيدة كان زواج اخوي بعد عيد الفطر السعيد .. المناسبة كعادتنا ناخذ وقت طويل للتجهيز والحجز والبحث والتمحيص
بدايةً من القاعة لتزيين مروراً بالضيافة كاملة واهم من هذا كله عملية البحث عن الفساتين :((
ماراح اتكلم كثير الصور بتكفي
وهذي صورة للكل مع التأثيرات :$
جعل ايامنا وايامكم عامرة بالافراح والمسرات ..والقادم اجمل بإذن الله
الاشتراك في:
الرسائل (Atom)