معرض الكتاب 1432 هـ

قبل نهاية معرض الكتاب 1432 هـ زرته يوم الخميس مع قائمة نوعاً منتقاة من اهم هذه الكتب مدن الملح لـ عبدالرحمن منيف 

وثلاثية احلام مستغانمي وثلاثية غرناطة وكتاب احدى عشر دقيقة .. لكن للاسف جميعهم لم احصل عليهم .. لكن البركة بمكتبة نادي الكتاب بالرياض :)

انما حصلت على كتابين لـ فاطمة المرنيسي لم تكن بالقائمة ولم اكن اعرف بوجودها بالمعرض ( على حسب محرك البحث بموقع المعرض ) كتاب هل انتم محصنون ضد الحريم و ماوراء الحجاب ..

بالاضافة لـ كتاب حكومة الظل وعودة الغائب واخيرا كتاب سيدة المقام لـ واسيني الاعرج.. 

بشكل عام سعيدة بحصيلتي من الكتب .. حاولت التركيز على اقربها لذوقي وهمتي بالقراء لأن هناك كتب على رف النسيان لم احاول قراءتها للاسف ..!!

بدايتي كانت مع ماوراء الحجاب الجنس كهندسة اجتماعية 

الكاتبة مختصة بعلم الاجتماع .. واغلب كتابتها تهتم بالمرأة وماتواجه من تحديات على الصعيد العربي والاسلامي ..!!

الى الان الكتاب ممتع دراسة عبر التاريخ عن الجنس واهميته في الهندسة الاجتماعية .. 

متواصلة بالقراءة

بما اني متعلمة الكروشيه .. على اساس استفيد من هالسنة ولا تروح على الفاضي .. بديت بداية الحمدلله تعبتر جيدة في هالفن 

بديت بأشياء بسيطة مثل الورد وحدات تعلمت انواع الغرز ولله الحمد ..

اول اعمالي الكاملة هذي القبعة بطريقة البتلات حلوه وممتعة بصراحه خصوصاً كمبتدئة تعطيني ثقة بنفسي وبأني قادرة على شي اكبر ..الله يستر :)

وهذي هي على رأس اصغر نفر عندنا .. ومع ذالك طالعة كبيرة بالاضافة الى انها بناتية :D 

باقي اعمالي الغير منتهية .. اما لطفشي او لانتهاء الصوف :(

لابد من غارة على المحلات لعمل الامداد اللازم .!!

اعمالي الغير منتهية للاسف .. اما مثل ماقلت طفش مني او الصوف خلص المشكلة ماالقى كل الوان الصوف وانواعها في محل واحد

واكثر ماالقى الا الكشمير مغرقين السوق فيه والالوان كئيبة جدا الين اكتشف اني اروح لمحلات الكلف والخياطة بلاقي الواح غريبة وعجيبة

وحلوه للاشغال الصغيرة والكيوت ( مثل البوك مارك .. التعليقات .. بروشات .. ورود للاطواق .. بتطلع اشياء عجيبة )

اكثر لون عاجبني اللون الاخضر و البنفسجي .. احب الالوان الغنية للحين مالقيت لون ازرق عاجبني او برتقالي

لكن مازال البحث مستمر

هذي بطانية قوس قزح .. متحمسة اخلصها حاسه بيطلع شكلها روعة يقولون لي خليها خدادية لكن بيطلع شكلها شيب ومو حلو

ان شاء الله اخلصها وانزل صورتها كاملة

هالغرزة عجبتني بعد ماطلعت اكثر من رواند بان شكلها وشغلها يبيله تركيز وانتباه لكن الشكل النهائي بيطلع حلو

كنت ابي لون عنابي احمر .. لكن مالقيت الا عنابي بني للاسف والا بيطلع شلكها روعة

عنابي سماوي اخضر عشبي .. مفكرة تكون خدادية اتوق بعد ماانتهي بتصير مشكلة ... احسها بتكون اصغر من المخدة

والمشكلة الثانية اني مو عارفة اخيطها بالقماش ( كيس المخدة ) :D

لكني في طريق التعلم .. شوي شوي ويضبط معي الشغل

وعدت اخيراً... ماني متخيلة اني من سنة مادخلت المدونة ولا حركت فيها ساكن ..هذا يعطي مؤشر على مللي الدائم

لكن رجعت ومعي امور تستحق بنظري الحديث عنها وتدوينها

اولها تعلمت على فن الكروشيه .. مع اني اعتبر مبتدئة لكن شغلي تمام :)

وهذا الي بركز عليه حالياُ