حلو.. وراكز.. وعاجبني

لي فترة نفسي في فستان طويل بأكمام او بدون اهم شي فستان طويل حلو ورايق مودرن او كلاسيك مو مهم
والعجيب بأسواقنا التنوع باللبس القصير بأنواعه والبناطيل على الموضة ماعاد الفساتين .. مافيها جديد
قديمة كأقمشة او موديل او نقشات واكثرها القطنيات .. وش السبب مو عارفه
مع ان الموضة الفترة الي راحت كانت طويل وبأكمام طويلة حتى .. ليه اسواقنا تمشي عكس الرائج وعكس البيئة نفسها
ويجي العيد ويروح عيد وتجي مناسبة وتروح مناسبة وانا على هذا المنوال انزل علشان فستان ارجع بشنطة والا بلوزة
وفي احسن الاحوال بتنورة للدوام طبعاَ
الين نزلت للرياض قاليري ولقيت فستان على المنيكان بس ماشدني ابداً يمكن علشان خامته قطيفة بس ماراح اخسر شي
خليني اغير يمكن يطلع حلو
وفعلاً اخذت مقاسي ودفعت الفلوس ورحت للقياس .. ويالمفاجأة  ماتخيلت بيعجبني ابدا مو ستايلي ولا افكر اشتريه
لكن طلع رايق بقوة وراكز باللبس :$

فيه منه اربع الوان بيج لحمي اسود كحلي .. اخذت الكحلي مو هو تغيير يالله نغير بالالوان بعد
سعره 360 ريال اتوقع

حمدلله على تلك الصدفة الي شفته فيها :D

خيوط جديدة ..لدفئ الشتاء

مع بداية الشتاء ودفئ الاجواء حالياً وحميمية الاوقات مع العائلة ..فكرت ابدأ بمشروع سكارف وعلى اساسه اشتريت نوعية الخيوط

لكن وكالعادة الالوان على حسب المتوفر :)

اخذت قطن ناعم والوان تناسبني اربع بثلاث الوان بسعر 10 ريال للحبة

واشتريت نوعية كثير اشوفها بالمدونات والاعمال وقررت اجربها بـ 3 ريال فقط ..

الباقي من المشروع الي هو الباترون الي راح اعتمده جاري البحث عنه :D

ATM 2012

فيلم رعب تشويق اكشن حبس انفاس .. فعلاً يستاهل ويستحق المشاهدة
طول الفيلم راح تكون على اعصابك تعيش اللحظات مع الابطال ..

شتي يادنيِ

دخل الشتا بسرعة وفجأة..ويامحلى دخلته علينا احلى فصل واحلى جو :$

نزلت السوق واشتريت اشياء يوميه للدوام واستغليت بعض العروض بالسوق ..هالفترة الاسواق مليانه عروض وتخفيضات وحركات

جاكيت رمادي من اتش اند ام كانوا مسووين عرض اشتري قطعتين والثالثة مجاناً بـ150 ريال

بلوفر بني من ستي ماكس بـ 80 ريال

بلوفر خفيف من ستي ماكس بعد بـ50 ريال

بنطلون من دورثي مسوي عرض اشتري قطعة والثانية مجاناً طلع البنطلون مجاناً مع هاي هيلز تايقر بـ170 ريال

انتظروني القادم اجمل واجمل

كريم بي بي غارنييه

من كثر اعجاب زميلاتي بالمدرسة بكريم البي بي لما احطه .. خصوصاً بعد العودة من الاجازة كانوا يقولون متغيره وبشرتك غير

ومحلوه وبشرتك طبيعية وحلوه وش مسويه :D

فعلا تحمست وتطمنت للمنتج وزاد حبي له واطلعتهم على هذا الاكتشاف .. والكل كان يبحث عنه .. فـ عملت طلبية للبنات ونزلت جبته

لهم كمية 12 كريم بي بي درجة متوسطة واحد فاتح ( مالقيت الا هو.. الفاتح منتهي من السوق بشكل غريب )

السعر 29 ريال فقط..

انتظر تجربتهم للمنتج .. وتعليقاتهم وتقييمهم