سلة بقاعدة cD

اخر عمل لي خاصة اني صايرة كسولة جداً واغلب شغلي هو تجارب مرة قلب مرة ورود واجرب واتعلم الطريقة واتركها
واحاول اركز على عمل واحد بدون مااتشتت بتجارب هنا وهناك ..


اليوم خلصت عمل سلة قاعدتها من السي دي .. شفت الطريقة بمنتدى ثاني ومشيت عليها وبنفس الوقت شفت بمدونة عمل سلة 
بـ بواقي الخيوط ( تجمع خيطين مع بعض ) هنـــا وقلت خليني اضرب عصفورين بحجر واحد ..

في النهاية ثنيتتها واعطتها شكل افضل .. عموماً شكلها يذكرني بالسلال الشعبية الي تكون ملونة .. ومع ان الالوان غير متناسقة 
كـ الوان الا انها بالنهاية متجانسة ..

هنا القاعدة .. شكلها رائع ومعطيها لوك رايق .. لكن الشغل بالبداية بيكون صعب شلون تمسكين الخيط والسنارة والخيط 
الي تدخلينه من الدائرة بالوسط .. بعدين بيكون سهل كل مازادت الغرز وبيكون الشغل انسيابي ..

السلة بما انها خربشة الوان اخترت تكون لبقايا الخيوط .. علشان يكمل اللوك النهائي 
بحاول القى طريقة استغل فيها هالبقايا بعمل استفيد منه ..