بديت بعمل الـ pom pom حب استطلاع ونفسي اضبطها كنت متوقعتها صعبة وماراح تضبط معي والاداة الجاهزة
غير متوفرة بمحلاتنا .. لازم طلبية من امازون
بحثت وحست باليتويتوب والمدونات الين عرفت لها كذا طريقة
ممكن تعمل بالكرتون .. دائرة كاملة او شبة دائرة
الطريقة الثانية .. بتكون بالاصابع ونلف الخيوط
الطريقة الثالثة .. بقطعة كرتون مربعة او ورق ونفس التكنيك
اما لما نبغاها تكون صغيرة وكتكوتة .. اما بالاصابع .. او بالشوكة ..
طريقة عملها روعة وممتعة والاحلى اني تعلمت طريقة بدال ماتكون خيوط مبعثرة وحوسه حتى بعد مانقص الزوائد
استخدم فرشة شعر متوفرة واقوم امشط الخيوط .. يطلع شكلها منفوش ومبرومة
بالصورة الي فوق استخدمت كل الطرق الي تعلمتها .. بالكرتون دائرة او مربع بالاصابع .. بالشوكة وبكذا طريقة
يعني نحتاج
كرتون .. قطعتين
وشوكة
وخيوط متوفرة
وفرشة
ومشرط
ومقص شي اكيد ق1
بما ان باقي عندي خيوط من اشغال سابقة .. قررت استغلها بالعمل
الطريقة مصورة وواضحة .. حتى ماتحتاج تعليق .. هنــــــا فيديو ممتاز لعمل البوم بوم والالوان روعة وبالمواد المتوفرة
ابسط من كذا ورق
اذا نبي تكون اكثر من لون .. بعد مانلف اللون الاول نرجع نلف اللون الثاني والثالث وهكذا
لكن اذا بغينا تكون البوم بوم مشكلة بالالوان .. نلف اللون الاول ونبدأ بالالوان الثانية نلف ربع المساحة
او نصها او جزء من الدائرة
تعطي شكل بعد ماننهي الشغل .. شكلها روعه
اذا خلصنا من الخيوط ندخل المقص بالنص مابين الكرتونين ونقص الخيط كله
وبسرعة نبدا ناخذ خيط ونلفه مابين الكرتونين ونربطه علشان نمسك فيه الخيوط
وبعد مانشيل الكرتون .. نعيد نربط الخيط مره ثانية وهالمرة بأحكام جداً
خلاص مشطنا البوم نبدأ نقصها علشان تتساوى ويطلع شكلها مرتب
علشان يطلع شكل البوم بوم مثل الخضرا لازم الخيوط تلف على الكرتون بالترتيب مثل ماذكرت قبل
اما متموجة نلفها بدون ترتيب
استخدمتها كـ تعليقة للبوك مارك .. ممكن تكون تعليقة لشنط او المفاتيح بعد مانحط لها عيون بتطلع حلوه
حبيت البوم بوم كثير والاحلى اذا كانت الوان فرايحيه ... والصغار شكلها مرررره كيوت ههههه
لكن لازم ننتبه للقص بعد ماننتهي .. تجربة حلوه
0 التعليقات:
إرسال تعليق