يوم الخميس قررنا نطلع للبر من بعد امطار الاسبوع والسيول والجو الرايق .. فـ كان قرارنا نروح لوادي الحسي بعد العيينة
الجو ممتاز صحيح بارد بالظل بس مع الشمس الجو روعة ..
وكالعادة قعدت اصور بس هالمرة بالايفون طالعه الصور واضحة وحلوه .. بعكس جوالي الثاني نوكيا :(
وماننسى بعض الناس عندهم امتحان ويذاكرون بالسيارة ... علوم طلع عيونهم ق1
نارنا ننتظر تجمر علشان نطبخ الغدا دجاج بالخضار على طريقة القصدير وعلى الجمر على طول
وباقي الصور عن الوادي والسيل الي مع الوقت صاير يقل الين يوصل لمستقره .. بس ماادري وين بصراحة هالمستقر :)
الارض غرقانه بالامطار لدرجة تمشي على الارض تحسبه ثابتة شوي تحسها تتحرك تحتك وتخفس رجولك ... عرفت تكتيك الغرق بالشعبان الطين يجرك للأرض ويالله تقدر تطلع رجولك
عقبال الكانون ان شاء الله .. لقطاتي احترافية ونظرتي فنية بس ناقصني كاميرا احترافية هههههههه
وفي الاخير صورة لضحايا السيول قدرت القطهم من بعيد .. صحيح مو واضحين لكن نقول في كل الاحوال الله يرحمهم يارب :(
الى رحمة الله :(
0 التعليقات:
إرسال تعليق