هـــيــفــاء

مطعم اوشال له كذا فرع في على مخرج 11 اتوقع على الدايري الشرقي وهذا اقرب فرع لنا .. لكن الحلو ان بعض الاسواق صارت المطعم تفتح لها فروع من ضمنها اوشال في حياة مول بالاضافة لـ ابل بيز ومطعم كوبر شندي وغيرها  بعد مافرفرنا بالسوق قررنا نغير عن الوجبات السريعة واخترنا اوشال كمطعم شامي شرقي .. وتم الدخول والطلب    الطلب عبارة عن صحن مشاوي وعرايس دجاج ومقبلات مشكل طلعت اربع حبات بس هههه وصحن متبول والرز ضيافة والمشروب كولا وعصير كوكتيل لأمي  تقييمي: الله يكرم النعمة كل شي فيه لحم ابد مو حلو  زنخة اللحم والدجاج شي مو طبيعي ماادري مايحطون بهارات مايطبخونه زين ماادري وش مشكلتهم حتى العرايس قلبت بقدرة قادر لبرجر غير عن العرايس الي اذوقه لا شكل ولا طعم :( الحلو دجاج اوصال والمتبل وعصير امي الي ماذاقت الا هو .. الاكل مايشجع  التقييم تم بأجماع اربع اشخاص .. التجربة لن ولن تتكرر بأذن الله

سنو وايت الاسطورة قصة مشهورة ومعروفة .. وعملوا كثير من الافلام عنها .. السنة هذي نزل فلمين عن سنو وايت وبأبطال من الوزن الثقيل لكن كل فيلم يختلف عن الثاني بالجو العام وبالتصنيف وبالتفاصيل الدقيقة لكن القصة نفسها كخط واحد اول فيلم Mirror Mirror 2012 من بطولة جوليا روبرتس كخيال ودراما ويغلب عليه الكوميديا .. الفيلم حلو وممتع والاحلى جو الفيلم الوان وخيال والازياء رائعة وممتعة اعجبني الفيلم جداً واستمتعت بالقصة ودور جوليا كان الاجمل بعفويتها وطريقة تمثيلها والاهم ضحكتها اعطت الفيلم جو غير واعطت الشخصية الشريرة جانب حلو وممتع وماتقدر الا تحبها  الفيلم الثاني  Snow White and the Huntsman 2012 من بطولة تشارليز ثيرون والخجولة كريستين ستيوارت التصنيف خيال وتشويق ودراما  اجواء الفيلم تختلف بشكل كبير عن الفيلم الاول ملحمة تاريخية اسطورية تشويق على طول الفيلم ..تشارليز ابدعت بالدور بشكل كبير تمثيلها وانفعالاتها مرعبه بطله بطله  الفيلم حلو مشوق شفته على ثلاث مراحل هههه اعجبني الفيلم الاول اكثر من هذا ماادري ليه مع اني احب الاجواء التاريخية ... امم يمكن على...

اول ماشفت بوستر الفيلم على طول تذكرت ايام طفولتي نفس الشخصية كنت اشوفها بالاخبار ورسخت ف بالي بطريقة لبسها والورد الي تحطه بشعرها وبحثت عن التورينت وحملته حتى ماكان فيه ترجمة وانتظرت الين توفرت وتفرجت عليه بشغف :) الفيلم سيرة ذاتية ودراما عن زعيمة المعارضة البورميه اونغ سان سو تشي يتناول سيرتها ويستعرض جزء بسيطة جدا من طفولتها كأبنة من ساعد على استقلال بلادها ..ويتناول اسباب رجعوها من انجلترا لبورما واصرارها على البقاء لمساعدة ابناء شعبها في الحصول على الحرية والديمقراطية .. ساعدني الفيلم ان ابحث عن سيرتها بالنت واكتشف اكثر واكثر عنها بالذات انها من بلد بورما التي يعاني فيها المسلمين اضطهاد وتصفية عنصرية من النظام العسكري  imdb ويكيبيديا

  الاحلى بمشترياتي هالمره اني لقيت اغراض ماكنت متوقعتها مع اني نازلة بس اتمشى واتفرج ولا في بالي اشتري اي شي  لكن عاد في مثل هالحالة نلاقي كل شي حلو قدامنا وزين معي فلوس والا قعدت اتلحطم او احايل امي لين نوصل للبيت :(( 1_كريم فازلين توحيد اللون ..الي دخت عليه الين حصلت وللأسف مالقيت الحجم الكبير لكن اهم شي نلاقيه وسعره مقارنة بغيره من نفس الحجم اغلى :( 2_الشي الثاني الحلو هو مزيل المناكير العلبة ويحتوي على مواد مرطبة.. صناعة تركية سعره بـ 10 ريال فقط .. واتذكر اني شفته في بازار كان سعره بـ35 ريال .. بصراحة قنوعات التاجرات جداً 3_ ماسك للشعر صناعة انجليزية اخذت الحجم الصغير جربته مرتين حلو بس لاحظت عليه ريحة عطرية قوية مقارنة بماسكات الشعر الطبيعية كل شي مكتوب بالانجليزي ماعدا ستيكر بطريقة الاستخدام ..بس الي عجبني وخلاني اشتريه هو صناعته .. اتحمس للمنتج اذا كان بريطاني ايطالي وهكذا اطمئن شوي.. سعره بـ 45 ريال 4_مناكير لون بيج او ترابي عجبني واخذته بـ15 ريال 5_ مناكير مفرقة احتاجها بالفترة الجاية ..لزواج اخوي :$ بـ 15 ريال كعادتة هذه النوعية..

الحلو بالكاساديا تقدرين تبدعين بالحشوه على كيفك سهلة وماتحتاج جهد او عجن وتخمير.. خبز تورتيلا واجبان والاكيد الحشوه بتطلع احلى اكيد اذا فيه تغميس :$ المقادير: دجاج جزر مبشور بصل مقطع نصف شرايح فلفل بارد بهارات جبن سائل وجبن موزريلا وشيدر مبشور والخبز التورتيلا قبل لانحشيها نمسح بالجبن السائل على التورتيلا ونضيف الحشوه وفوقها الجبن الموزريلا والشيدر ونسفطها مثل الصورة بعدين نحطها بالشواية الين تتحمص نتطلع مقرمشة ولذيذة .. الاهم نكثر الحشوة وكل مازادت كل ماطعمت بالتورتيلا..  بعدها نقطعها بالنص ونقدمها مع تغميس ..عبارة عن زبادي وملعقة مايونيز وجبن سائل وملح وفلفل وبالعافية   هنا سويتها بحشوة اللحم مع الذرة ..كانت اطعم بكثير :$

حلى من احلى الحلا واقربهم الى قلبي ونفسي وبطني :$ :| طعمه ولذيذة بشكل :$ والحلو فيها حلو والحليب البودرة معطيها طعم حلو حلو ..:$  وهنا الوصفة اخذتها من ريامي بالانستقرام حساب روعة بالوصفات والاكلات اللذيذة ryaaami@ بالنسبة للشيرة اخترت حليب سائل وفنجالين سكر طلع اطعم بكثير ..تستاهل التجربة  

ارواج من ماركات الدراق ستور كالعادة هالمرة اخذتها على حسب نصيحة بعض البنات وشهرتها بشكل عام..اخذتها من محل عادي ارخص بكثير من السنتر بوينت الاول من ريميل رقم 030 درجته روعه بشكل رايق وبسيط الثاني من نيفيا رقم 35 وردي غامق حلو اللون مع اني مااقتنعت فيه .. لأن الباقي على اللستة مالقيت منهم الا هذول اسعارهم 25 ريال فقط