هـــيــفــاء

على كثر مامدحو زيت بايو واعتبروه الزيت المعجزة وتجارب البنات المتفاوتة مابين النتائج البسيطة والكبيرة قررت ادخل في خضم التجربة بالذات اني احتاجه بشدة سواء لتوحيد لون البشرة او للخطوط البيضاء والحمدلله توفر هالمنتج بالاسواق السعودية صيدلية بوتس .. صيدلية وايتس وغيرها بسعر بـ 105 ريال بدأت التجربة من فترة وانتظار النتائج مع اني اشك في ذالك .. مع اني من الملتزمين بالتعليمات لأن المنتج يحتاج من شهر الى شهرين حتى تبان النتائج وانا في الانتظار .. وش ورانا المنتج مثل ماتكلمو الكثير عنه زيتي لكن تمتصه البشرة بسرعة وله رائحة مقبولة وتختفي مع الوقت .. والاهم انه مايدبق على الملابس يحتاج الى تدليك مثل ماشفت التعليمات عكس عقارب الساعة ولمدة 2_5 دقايق  متأملة نتائج تعجبني .. أن شاءء الله

بما اني حبيت اعرض مشترياتي وقت التجهيز..لعل هناك من يجد مايفيده وايضاً توثيق لهذه الايام المراثونية ههههه ومعروف اهمية الساعات بالنسبة لعروس .. ولكثرة المحلات والماركات وتفاوت الاسعار بشكل كبير وكلن وميزانيته حبيت اختار ساعات من ماركات معروفة واسعارها مناسبة لي بالذات اني كم شهر واشتري غيرها لمناسبات جايه او من باب التغيير ..... اول ساعة اخذتها من الدهام للساعات والغريب اني اخذت وقت طويل حتى القى ساعة تعجبني اكيد رولكس وكارتير خارج القائمة هههه المهم اني رسيت على ساعة اعجبني شكلها وسعرها من ماركة اول اسمع فيها .. لكنها من ضمن ماركات الدهام انتظرت ثلاث ايام حتى يوفرون اللون الفضي بسعر 1600 وبعد التخفيض ب1400 ريال .. ناعمه وخفيفه على اليد وحبيتها :$ اما الساعة الثانية كان نفسي من زمان اخذ من ماركة مايكل كورس والهبة الي صارت على ساعاته وشنطه ومن فرعهم الرئيسي في مجمع بانوراما اخذت ساعة من ضمن الكولكشن الجديد ماكانت من اختياري لكن اعجبتني باللبس بـ 1750 ريال باللون الذهبي الحلو مو باهر وقوي 

بما اني في ضم انشغالي بالتجهيزات لزواجي..من ضمن الاولويات لكل عروس العناية والتغذية بالجسم والبشرةكان اهتمامي بإزلة الشعر بالليزر..خصوصا ان مثل هالنوعية من العناية اصبحت متوفرة بكثرة وأمنة ولهم خبرة بهذا المجال كان تركيزي على منطقتي الاندرارمز والبكيني اكثر من اي منطقة ثانية لاني مااشكو من مشاكل ولله الحمد..والشي الطبيعي ان هالمنطقتين تحتاج تكون خالية من الشعر بالنسبة للعروس بالذات اليوم كانت اول جلساتي اخترت عيادات وبحثت عن السمعة بين الزبائن والمكان  القريب لي والاسعار بعدوقع اختياري على عيادات روضة الاقصى .. كان عندهم عروض ثلاث جلسات والرابعة مجاناً لمنطقة البكيني بـ1200 ريال اما الاندرارمز بـ200 ريال بدون عرض فتحت ملف ودفعت رسوم الكشف ودخلت على دكتورة سألتني بعض الاسئلة  كشفت على المنقطة وكل شي تمام بدأت الممرضة المبتسمة والمتعاونة بعمل منطقة الاندرارمز وبسرعة مع الوقت كنت احس بألم بسيط خفت يكون مثل كذا او اكثر بالمنطقة الثانية..لكن فهمتني  انها بتكون اسهل واخف لأني اخترت الذاتي وبكون انا المتحكمة بالجهازوبأعرف المناطق المؤلمة لي واتحاشيها التجربة:...

طرأت في بالي فكرة بما اني اجهز لز واجي..و حبيت اعرض تجهيزاتي  وترتيباتي للزواج  بالذات الي ابحث  عن افضل الاسعار بالاضافة ا لج ودة و ذات القيمة ..لعلي افيد عروس ج ديدة تحاول التجه يز وفق ميزانية معينة وزيادة احاول اوثق هذه الايام مع انها متعبة ومرهقة جداَ . .  

فيلم يستحق الحديث عنه.. خصوصاً انه من بطولة ليوناردو دي كابريو   اضافة الى جو الفيلم الغرب امريكي والكاوبوي والدراما والاكشن والقصة ضد العبودية..  اشوف الفيلم بالذات من ناحية العبودية والرق الي عاشه الزنوج في امريكا اول فيلم تناول ظروف وتعذيب  بطريقة جديدة ولأول مره من وجهة نظري على الأقل !! القصة تتكلم عن صائد جوائز من اصل الماني يبحث عن زنجي يعرف مجموعة من المجرمين  الذين يبحث عنهم..هذه اول المشاهد ومن هنا تبدأ احداث القصةوتتفرع الى ان نصل الى قصة  هذا الزنجي وبحثه عن زوجته المباعة .. اكثر ماعجبني كريستوف والتز طريقته وتمثيله  رائع وحبيته جداً .. وه بس فيلم يستاهل التحميل والمشاهدة  لكن تن بية مهم .. لاحد يفكر ياكل سناك وقت مشاهدة الفيلم ههههه   حتى طريقة الدم والقتل غير