هـــيــفــاء

باللحظات الاخيرة ماقبل العيد ..توجهة اخيراً لمانقو يفك ازمات واشتريت منه قطعتين (للأسف مالقيتم بالموقع ) بنطلون واسع يشبه التنورة لون لحمي رايق .. مع بلوزة اسود دانتيل بطانة الظهر وجزء من الامام بنفس لون البنطلون رايق وحلو بس مشكلة البنطلون طويل طويل طويل بشكل :( الفاتورة بـ 428 ريال

من بعد الجزء الاول والثاني جانا الجزء الثالث .. واستكمالاً لباقي الاجزاء كان الجزء الاخير ممتع ومضحك ومشوق القصة كالعادة مجموعة الاصدقاء يبحثون عن طريقة لعودة لنيويورك ولحديقتهم .. يمرون خلال الفيلم بمغامرات وصعوبات اهمها الشرطية الفرنسية الداهية :D فيلم يستاهل واكيد لابد من مشاهدته

مقشر جولان تم مدحه لين قطعوا فيه .. فتم الشراء بـ 12 ريال كالعادة وللحين بدون تجربة :D تونر من همالايا بدون كحول حلو وخفيف وينظف من قلب بـ 16 ريال كارفور شامبو Argabeta من شركة دكسون يحتوى على زيت الاركان وخلاصات الطحالب البحرية  من عطار البحرين الكنز العجيب كالعادة بـ 45 ريال ومالقيت الماسك للأسف  حبيت اغير عن الشامبو الاول من نفس الشركة بالذات اني مالاحظت تغيرات على شعري  مع اني استخدم فيتامينات وخلطة السدر بس لاحياة لمن تنادي  هنـــا مقطع عن المنتج

ورجعنا مرتن اخورى :D هالمشتريات هالمره لماقبل العيد عدسات كلير رمادي بـ 55 ريال فقط ماعجبتني وبالعين مزعجة بلشر درجات المشمشي ثلاثي من ماركة كازنوفا بـ 40 ريال ..هالماركة اقتنعت فيها بعد ماجربت البودرة الارواج الي سوت ضجة بين اوساط البنات بعد حلقة مجربة بـ 40 ريال اهم وافضل واكشخ مافي المشتريات كريم BB من غارنية  بعد بحث مرير عن هالكريم بما انه من شركات الدراق ستور الي انا من اكثر المؤيدات والمشجعات لها بقوة من الدانوب حياة مول الى كارفور غرناطة واتفاجأ اني الاقيه بمحل عطار البحرين للمكياج :( اخذته من كافور ومالقيت الا درجة متوسط بـ 29 ريال خفت من درجة اللون بس توكلت على الله واهم شي اني لقيته غامق فاتح مو مهم .. مع الاستخدام طلع بالعكس تمام وبدرجة اغمق بشكل بسيط يترك البشرة ناعمة صحية تغطية عادية .. باقي استمر اكثر بالذات وقت الدوام راح تبين النتائج اكثر

تجربتي اليوم بتكون عن شرب حليب الصويا ..بعد ماسمعت عن فوائد فول الصويا للجسم بالذات لجسم المرأة وفوائده الكبيرة وغناة بالبروتين مثله مثل حليب الابقار انما بديل آمن نباتي ويكيبيديا  وكثير من الفوائد واللي شجعني اجربه انه يعزز الهرمون الانثوي بجسم المرأة ويعمل على امتلاء الاجزاء الانثوية فيها :D فجربت قبل فترة عمل حليب الصويا بنفسي بالبيت حتى اضمن فوائده واخذت الطريقة من هنـــا وفعلا راح تستغربين ان هذي الحبوب الشبيهة بالفاصوليا راح تتحول لحليب عادي ..جربتها لمدة اسبوعين فقط الطعم مو ذاك الزود لكن كنت اضيف نسكافيه كاكاو بودرة احاول اعطيه نكهة علشان اقدر اشربه .. بصراحة مااقدر اقيم التجربة لأني مااستمريت فترة كافية!! الآن قررت ارجع له مره ثانية لكن الفترة لابد ان تكون شهر واكثر .. لكن بكون الحليب جاهز خصوصاً ان الشركات المصنعة تضيف له الكالسيوم وراح يغنيني عن الحليب البقري فبحثت بالسوبرماركت ولقيت من شركة الربيع صناعة المانية بالاضافة لشركة اخرى ..لكن رجحت هالشركة هذي فيه منه نكهات بس اخذت الطبيعي كتجربة لكن الحلو لقيت طعمه حلو وطبيعي بعكس الي سويته بالبيت :$ فرجعت مره ...

مشتريات بسيطة لكن مهمة بالنسبة لي وكنت ابحث عنها من مدة طويلة.. اولاً: كونسيلر من كريولاين من كثر مايمدحونه كل مانزلت للسوق اسأل عنه وحافظة صورته بجوالي وهذا حالي الين نزلت لسوق حياة مول ولقيت محل كامل بس لماركة كريولاين .. وعينك ماتشوف الا النور ههههه هجووووووووم وبسرعة ابغى الكونسيلر حقكم وينه ... وصف قدامي اربع درجات !! وبعد تجارب واخذ وعطا اشتريت A درجة متوسطة مابين الفاتح والوردي وبعد فيه البروز اخذته بـ 130 ريال اشوف سعره حلو ومناسب .. جربته بالبيت وكانت احباط مااادري علشانها تجربة اولى ( واتوقع هذا السبب ) او كنت عاقدة آمال عريضة وكبيرة على هالمنتج وطلع عادي واقل من عادي .. او هالاتي مستعصية ..جاري تجربته كثيراً الشي الثاني المهم بنظري وكانت رووعة اخذت كحل كريمي من مابيلين (كنت شاريه الاسود كـ كحل ) ونصحني اني اخذه لأنه يمشي كحل وتاتو للحواجب ويقعد يومين بالكثير واخذته ماتندمت ابداً فعلاً افضل واحلى واسهل من تاتو ماك الي كم شهر ونشف ومااستفدت منه بصراحة الا من فرشته العملية مابلين كل يوم استخدمه لحواجبي واول ماشافوني توقعوا اني عامله تقشير .. اخذته بـ 45 من الدانو...

معاناتي مستمرة مع شعري .. اذا خلصت من تساقط الشعر طلعت لي مشكلة جفافه وتكسره خصوصاً مع استخدام خلطة السدر خلت شعري جاف والشعيرات القصيرة متطايرة بشكل يفشل فقررت ابحث عن كريم مرطب للشعر يناسب مشكلتي  اخذت كريم دابر املا لتكاثف الشعر بـ 10 ريال فقط الشي الثاني لقيت طريقة بسيطة وعملية لعمل ويفي للشعر بدون الات وتعب بس ناقصني رغوة خفيفة وماتلبد الشعر وحصلت من ويلا لتموجات الشعر وتتحمل حرارة المصففات بـ 19 ريال  وجربتها على طريقتي وطلع الشعر مع الويفي رائع والكل مو مصدق انه بدون فير :$

بمناسبة يوم المعلم .. قررنا نعمل حركة بسيطة كـ تكريم للمعلمات بهالمناسبة .. وكانت عبارة عن كلمة بمطوية ووردة قرنفل بلون البراءة كـ براءة قلوبهم المحبة .. شكراً معلماتنا  

هذا فستاني بزواج اخوي قررت ابحث عن فستان يكون له خصر وناعم قدر الامكان .. الحلو فيه انه بسيط والقماش ورعة والشغل بالظهر عبارة عن دانتيل مشكوك روعة :$ صورة للفستان من الانستقرام .. توضح من الامام والحلف

. من مناسباتنا السعيدة كان زواج اخوي بعد عيد الفطر السعيد .. المناسبة كعادتنا ناخذ وقت طويل للتجهيز والحجز والبحث والتمحيص بدايةً من القاعة لتزيين مروراً بالضيافة كاملة واهم من هذا كله عملية البحث عن الفساتين :(( ماراح اتكلم كثير الصور بتكفي وهذي صورة للكل مع التأثيرات :$ جعل ايامنا وايامكم عامرة بالافراح والمسرات ..والقادم اجمل بإذن الله