هـــيــفــاء

اخر قبعة عملتها .. جربت فيها غرزة العامود الامامي .. واستخدمت فيها الصوف المموج الي كان شال في سابق عهده :)  فكيته .. وانتظرت وش اعمل فيه ..  هذا هو الباترون .. مشيت الين الراوند السابع ( 4 عامود + عامود امامي ) وكملت الين الاخر على نفس العدد بدون زيادة تصاعدية لأنها طلعت واسعه وبدون السلسلة بين العواميد بالنص .. بتطلع متوسعه ومو متماسكة  هنا بداية الشغل سهل وسريع لكن كل مازدتي الروندات تحتاج تركيز وانتباه  بالنهاية ماتركتها على نفس الغرزة ختمتها براوند حشو وبعدها نص عامود طلعت مرتبة عكس لما اتركها نفس الباترون  بالصورة مو باين الشغل العامود الامامي معطي شكل للقبعة حلو وبارز .. حاولت اصورها بشكل اوضح ماقدرت .. يمكن علشان تموج الالوان ماتوضح .. بس باللبس طالعه احلى واشيك  ماانسى انها كرهتني بالشغل وتعبتني كثير .. مع الاعمدة وشغلها انسى بعض الاحيان العامود الامامي وامشي الين الرواند الي بعده  .. واذا جيت اشتغل انتبه للنقص .. همن ارجع افك الشغل كلها وارجع للرواند السابق واعمل العامود .. بس بعد مااحذفها بالسلة وارجع لها من بكرة ا...

حبيت استعرض اهم الكتب الي قرأتها واستمتعت فيها والمفروض تكون في مكتبة كل شخص او بيت ..   اول كتاب فخاخ الرائحة للكاتب السعودي يوسف المحيميد .. الكتب عدد صفحته قليلة لكن ممتع ومليئ بالمشاعر الانسانية  يتكلم عن فترة من الحياة الاجتماعية السعودية بداية الطفرة وعتق الرق يتناول قصص ثلاث اشخاص نمر بحياتهم ومشاعرهم  خلال هذة الفترة ..  بعد قراءتي له حسيت بالحزن والقهر على الشخصيات .. وقدر الكاتب يخليني اعيش معناتهم .. مع اني قرأته من فترة طويلة لكن الى الآن لما اشوفه احس بالحزن واتذكر بالذات العبد المعتوق بالقصة :( الكتاب الثاني الخيميائي للكاتب باولو كويلو   فعلاً من روائع الادب العالمي .. الكتب اختصره بالمثل الي يقول لو تجري جري الوحوش غير رزقك لن تحوش  لكن بسرد وصياغة ممتعة ومشوقة .. قرأته فيها لذة وتشويق  الكتاب الثالث السجينة لمليكة اوفقير  قصة وسيرة عائلة اوفقير المغربية في سجون ملك المغرب الحسن الثاني  انا متأكدة من يقرأها راح يبكي ويتذكر مقطع البيض الفاسد  الكتاب الثالث سمرقند للكاتب امين معلوف  رواية تتكلم عن...

اخر زيارة لـ لمقهى سينزيو .. احبه اعشقه احب السينبون الي يسويه خفيف وغني ويشبع .. طبعاً طحت فيه من بعد مازاد سينابون اسعاره وصارت سماجه .. قررت اشتري منه وفعلاً طلع يستاهل  اكثر شي احبه هو معجناتهم تفتح النفس .. ومااخذ منهم الا الكابتشينو لاني مو من محبي القهوة عموماً 

من ضمن نتائج تجربة الـ pompom  استغليتها بمعمل تعليقة او ميدالية للمفاتيح .. اشوف ناقصها شي بس مو عارفه ايش اتوقع تحتاج لمسات بسيطة .. تزيين ناعم علشان تكمل .. بس ماادري كيف .!!! وعملت من الصغار بعد تعليقة بعدد 4 وفكرت اضيف لها عيون وماعندي الا الحجم الصغير .. وماعجبتني  ماالدنيا الا تجارب .. والسعيد من تعلم من تجاربه ...:)

اشتريت صوف من مكتبة الشرق واول مره الاقي صوف مموج وماصدقت على طول اخذته لونه حلو ولي فترة احاول افكر اشتغله بعمل حلو  وطلعت معي فكرة سكارف شفت نتيجته حلو والباترون سهل وبسيط    وفعلاً بديت فيه كان شغله سهل وممتع مثل ماهو واضح من الباترون حتى شكله النهائي ممتاز .. لكن للأسف خصل الخيط  وانتظر ارجع اشتريه مره ثانية .. الله يستر ماالاقيه :( واذا مالقيته راح افك الشغل كله .. وابدأ من جديد عن فكرة ثانية .. ماوراي شي خخخخخخخخ المشكلة الي تواجهني اني مااعرف اقدر الشغل كم يحتاج من الخيوط .. مع الممارسة ناخذ خبرة ونتعلم ..!!

كفر للهاردسك اخر عمل سويته من بقايا الاصواف الي عندي قررت استغلها واقضي عليها بدال الزحمة بديت فيه البارح وانتهيت منه بسرعة اشتغلته عمود بدون ارتفاع  .. الالوان لكم عليها لكن اهم شي الاخلاق خخخخخ

قبل فترة شفت مشتريات لعضوة مجموعة عناية وتغذية مجموعة شامبو وماسك واتوقع امبولات ضد تساقط الشعر  .. وكانت مادحه المنتج فـ حفظت الصورة عندي والاسم وكان على قائمة المشتريات لأني اعاني من تساقط الشعر  اتفاجات لما دخلت محل اسمه عطار البحرين ( مو للبهارات والزيوت ... فرع ثاني ) كنت داخله اسأل عن كريم ستيفز بالكولاجين ويطيح نظري على الشامبو .. اتفحصه اقراه نفس الشكل نفس الاسم نفس الصناعة ..  سألت الموظف واكد لي انه الاصل وماراح القى منه تقليد بالسوق .؟!! ماادري ليه هالثقة  مالقيت الا الماسك والشامبو فـ قررت اخذ الشامبو اجربه اول خصوصاً ان حجمه 1000 مل ... وسعره احلى واحلى بـ 30 ريال بس   بعدين افكر ارجع اخذ الماسك واطلب يوفر لي الامبولات.!! الشامبو من خلاصة بذور الكتان وغني بفيتامين F  .. لكن له رائحة عطرية .. وانا ماافضل العطر بالشامبو ماادري  هو من المكونات او لا  ومالقيت له تجارب بالنت .. او حتى بأمازون ولا اليوتيوب كله عن نفس الماركة لكن كيراتين  احاول ابحث مره ثانية لعلي اجد تجارب تشجع .. وهنا الصناعة تاكد انه اصلي...

انا من مؤيدي الماركات الاقتصادرية .. الي تكون رديفة للماركات العالمية مثل مابلين ريفلون ريميل وغيرها كثير  جودة جيدة جداً واسعار ممتازة وفي متناول الجميع .!! صحيح الماركات الكبيرة تطلع بمنتجات ممتازة لكن اسعارها تكون نار والغريب اني اقدر الاقي نفس الالوان والجودة بماركات اقل ( لكن بعض المنتجات تكون افضل اذا ماركة كبيرة )  اليوم عندي شي بنظري يستحق المدح .. بلشر وردي من ماركة سينما ايطالية سعره اتوقع بـ 30 /40 ريال ماني متأكدة البلشر روعة ممتاز جداً واللون مثل مانقول ناقع ويطول على البشرة واشوف كميته كبيرة مو مثل باقي البلاشرات يبيلك تحكينه علشان يمسك بالفرشة  ثاني شي قلم كحل من ماركة لوك لون بنفسجي .. لي تجارب مع هالماركة واغلبها كحل للعين ومحددات وتعتبر بنظري بطله  وتستاهل سعره 10 ريال بس اللون الازرق والتركواز ممتاز ويبين بالعين وثابت .!! ثالث شي هو لمعة الفازلين اخذتها ثنين مع بعلبة وحدة بـ 15 ريال فقط ... لمعته حلو بالذات الشفاف لكن يحتاج يد خفيفه  وتوزيع سريع والا بيصير ملبد ودهني .. نقاط بسيطة على اعلى الخد ويطلع بيرفكت والفضي بيكون على عظ...

ببداية المدونة تكلمت عن اعمال غير منتهية من ضمنها بطانية القوس قزح ..توقفت بسبب انتهاء الصوف والوانها مو في كل مكان القاها .. لكن رجعت لنفس المحل الي اخذتها منه والحمدلله لقيت اغلب الالوان وكملت شغلها  كنت اتمنى تكون اكبر بس تعبت منها وختمتها بالحشو الين قفلت الشغل .. مع خطأ ماانتبهت له ( والشاطر يتعلم من كيسه ) ماكنت متحمسه لشغل البطانية كـ وحدات لأنها متعبة بالذات عمل التشبيك .. لكن شغل البطانية متصلة متعب اكثر ..!! البطانية الجاية احاول أبدأ فيها هالفترة وراح تكون وحدات .. أن شاء الله على السنة الجاية اكون مخلصتها

كتاب ابي من تأليف دانيال ستيل .. حقق مبيعات عالية في امريكا لكن للأسف ماحقق عندي اي انطباع جيد .. طويل تفاصيل دقيقة مملة .. حوارات ممطوطة .. القصة عن عن سيدة ذات طموح عالي متحررة فكرياً اماله كبيرة تطمح تحقيق شي لذاتها .. الا انها تتزوج انسان عكسها  لكن يحبها ويقدرها تحمل بطفلها الاول .. تكتئب وتعتقد ان الزواج والحمل الاطفال سيشكلون عائق لطموحاتها وحياتها العملية  ونفس الافكار تكون مع طفلتها الثانية والثالث وهكذا وفي ذات الوقت لاتتقدم خطوة في سبيل كتابة كتابها المنتظر  مع نشاطاتها الاجتماعية ..  وصلت للفصل السابع او التاسع .. وماقدرت اكمله ممل جدا بالذات الحوارات .. كأني اشوف فيلم او مسلسل امريكي عن حياة عائلة امريكية وام قررت تصبح ربة منزل ووضعت طموحاتها بالدرج ..  حطيت على الكتب المتعسرة قراءتها :(

تسريحة بسيطة وسهلة ونقدر نعملها بالبيت بالمواد المتوفرة .. انا شريت حشوة جاهزة قيمتها بـ 10 ريال فقط الحجم الصغير فيه حجم كبير جداً للحفلات والمناسبات الكبيرة  لكن احتجت لحشوة تكون لينه والعمق يكون كبيرة والدائرة الي بالنص تكون اوسع .. اتذكر شفت مقطع فيديو لاجنبية تشرح عمل  حشوة من الشربات ( الجوارب ) طريقة عملها سهلة وسريعة ..  تعرفت فيه على تسريحة الدونات وحركة الشراب.. لكن للاسف ماني لاقيته بقناتها  سويت بحث باليوتيوب على مقاطع تشرح عمل الحشوة وطريقتة تركيبها .. حصلت مجموعة حلوة افضلها  هنا فكرتها استخدمت شراب طويل .. التسريحة طلعت قبيحة نوعاً ما صايرة في قمة راسها اعطتني فكرة استخدم الكيلون الشتوي نستخدم الفردتين ههههههه هذي صورة توضيحية بالخطوات لعملها .. اتخيل حشوتها مثل الربطات الرياضية اي يحطونها الرياضيين .. اتوقع على شكلها هذا تطبيقي .. نوعية الشراب تساعد على ان الحشوة تطلع بيرفكت بعكس الانواع الثانية الي تحتاجين تضفين لها ربطة شعر  علشان يعطيها فاليون وحجم اكبر ..!! لما عملت التسر...

اليوم راح ابدأ المرحلة الثانية من تجربتي مع الديرما بالذات لمنطقة حول العين ...  بتكون هالمرحلة .. التغذية والمعالجة بالكريمات .. بعد ماكانت تهيئة وتمهيد .. اشتريت كريم وايت بيرفكت من لوريال باريس  كثير تشجيع على هالمنتج .. وعلى حسب التجارب النتائج مرضيه ..  طريقة استخدمه جديدة علي .. بالبداية نضغط على الجهة الزرقا وناخذ كمية قليلة ونبدا ندهن من الداخل للخارج  ( تركيبته خل خفيف ) بعدها ناخذ من الجهة البيضاء ونرجع ندهن المنطقة نفس الشي من الداخل للخارج ( تركيبة مخملية ) تبدأ النتائج تظهر من يوم ليومين .. وبعد شهر تختفي << ودي اصدق 

بديت بعمل الـ pom pom حب استطلاع ونفسي اضبطها كنت متوقعتها صعبة وماراح تضبط معي والاداة الجاهزة  غير متوفرة بمحلاتنا .. لازم طلبية من امازون  بحثت وحست باليتويتوب والمدونات الين عرفت لها كذا طريقة  ممكن تعمل بالكرتون .. دائرة كاملة او شبة دائرة  الطريقة الثانية .. بتكون بالاصابع ونلف الخيوط  الطريقة الثالثة .. بقطعة كرتون مربعة او ورق ونفس التكنيك  اما لما نبغاها تكون صغيرة وكتكوتة .. اما بالاصابع .. او بالشوكة .. طريقة عملها روعة وممتعة والاحلى اني تعلمت طريقة بدال ماتكون خيوط مبعثرة وحوسه حتى بعد مانقص الزوائد  استخدم فرشة شعر متوفرة واقوم امشط الخيوط .. يطلع شكلها منفوش ومبرومة  بالصورة الي فوق استخدمت كل الطرق الي تعلمتها .. بالكرتون دائرة او مربع بالاصابع .. بالشوكة وبكذا طريقة  يعني نحتاج  كرتون .. قطعتين وشوكة  وخيوط متوفرة  وفرشة ومشرط  ومقص شي اكيد ق1  بما ان باقي عندي خيوط من اشغال سابقة .. قررت استغلها بالعمل  الطريقة مصورة وواضحة .. حتى ماتحتاج تعليق .. هنــــ...

الصور الاولى للحلوة .. بيكون لها 14 ساعة في الحياة علشان كذا صايره ملامح وجهها غريبة وحمرا  ياحلاة الوردي .. وياحلاة البنيات..  صادقة موضي يوم تقول قلبي يحب البنيات ياليتهن يحصلن لي لفت نظري هالجهاز الغريب .. ماادري هو دفاية للبزارين او هي علشان الصفار .. يحطون المولود تحتها ويطلع احمر مخيف  الله يخليها لأهلها ويجعلها من البارين بوالديهم