هـــيــفــاء

 من ضمن نتائج الفعالية عملت شنطة ثانية  .. الا اني غيرت فيها وخليتها تكون شنطة صغيرة جداً لصاحبتها الصغيرة جداً :) بعد ماانتهيت منها عملت لها يد طويلة جداً .. طلع شكلها روعه افضل من قبل طبعاً انا كنت بكمل الشغل لولا ان الخيوط  انتهمت عندي .. وماكان في بالي شكل معين الي يطلع معي .. وهذا الي طلع :)

اخر عمل سويته .. عبارة عن شنطة من ضمن الفعالية استخدمت فيها بعد الوردة الافريقية غرزة الفيشار ( البوب كورن ) بعدها غرزة نص العامود وختمت بالحواف الشنطة بالشكل النهائي .. القاعدة غيرت عن السداسي وتركتها دائرية افضل إضافة تسمية توضيحية صورة عامة عن الشغل ..  الشغل بصراحة متعب خصوصاً غرزة البوب كورن .. متعبة جداً لكن النتيجة مرضية واعطت فخامة وثقل لشنطة .. الالوان استخدمت الاحمر بالبداية وخلصت اكيد .. ودخلت عليه لون برتقالي غامق .. بالصورة مو واضح كثير .!! باقي تعديل بسيط على الشنطة الي هو سير او يد طويلة لها :)

كثير اوقات الفراغ والطفش .. اطفش من النت ومن التي في والكتب ومافيه طلعات تسوى احط حرتي بالكروشية .. والله يطلع معي اشياء حلوه ورايقة مثل هالفراشات .. الشغل بالاساس كان على وردة رباعية بقدرة قادر صارت فراشة عجبتني الفكرة ونوعت من مابين عمود ابو لفتين و ثلاث لفات وهكذا .. مدام كل الطرق تؤدي الى فراشه  الوردة الاولى غيرت من التكنيك ولفيتها بخيط وربطته عادي اما الباقيات كنت لما اخلص واقفل الشغل .. ابدا اشتغل سلسلة والفها من فوق لتحت واختمها بمنزلة في خلف الوردة .. واعمل سلسلة ثانية وادخلها من تحت السلسلة الاولى وارفعها على فوق شوي حتى تكون شعيرات الفراشة عاد باقي لي استغلها بأعمل اما اطواق او بنس لشعر ... هنا كانت الفكرة عمل استاند لكاس .. التجربة كانت فاشلة .. الشغل كان غير متقن والغرز كانت يازايدة ياناقصة وغلطت غلطة فادحة وقصيت بالغلط نهاية الشغل بواحدة من الدوائر :( الافكار كثيرة .. ووقت الفراغ اكثر .. ان شاء الله نطلع بنتائج حلوه...  

طبخة عجبتني وقررت اعملها خصوصاً ان اغلب طلباتها متوفرة اخذتها من المنتدى وفعلاً كانت على قد المدح .. راح تكون على السفرة الرمضانية بإذن الله  لكن راح اكثر البطاطس واغطي الصينية بالقصدير حتى الدجاج مايتحمر بهالشكل هنـــــــا الوصفة  مع الشكل الجزيل لصاحبتها

للمرة الثانية تكون زيارتنا لمطعم فاهيتا افنيو .. لكن مع تغيير الاشخاص .. كان الاختيار من طرفي حتى يجربو المطعم والاكل فيه هذا طبقي غيرت عن المكرونة اتوقع اسمه فاهيتا لحم << صعب وفاهيتا مشكل لاخوي .. وطبق امي عبارة عن شرايح سمك بالعسل والسمسم ( الله يديم النعمة ) وخضار مسلوقه ورز مكسيكي اختي اخذت همبرغر دجاج والحساب كان كبير شوي على اربعة اشخاص ..294 ريال .. ريال ينطح ريال لكن الصدمة ان الاكل ماعجبهم .. لكن الديكور عجبهم والخدمة بعد المره الجاية على مطعم ايطالي ان شاء الله

اخر اعمالي بالكروشيه عبارة عن شنطة .. بدايتها بالوردة  الافريقية .. الشنطة كانت نتيجة عمل ورشة بمنتدى الاقلاع .. هنا القاعدة عملت وردة افريقية بعدها نعمل شكل سداسي ( عقدني كثير مو انه من البديهيات ) لكن مشى الشغل وطلعت القاعدة كبيرة شوي لذالك الشنطة صارت كبيرة جداً اخذت لونين وعملتهم سلسلة .. حتى نقفل فيها الشنطة النتيجة النهائية .!! الفكرة القادمة راح تكون نفس الشنطة وبنفس القاعدة اللهم ان الغرز راح تتغير وكذالك نوعية الخيوط حتى تكون اصغر وانعم ..