skip to main |
skip to sidebar
اكلة خفيفة وبسيطة وعملية ..عبارة عن شرائح التوست محشوة بالتونة مع الصوص الابيض ( جبن سائل _ قشطة _ جبن )
او كريمة الخفق تقوم بالمهمة..
الاكله اخذتها وكانت الطريقة اني احط التوست بنفس حجمها لكن لما شفت ان الكمية بالتقديم ماتكفي وتروح كلها بالتقطيع
وبهذله وحالة ..شغلت مخي وقررت استفيد من عدد شرايح التوست بالضبط عن طريق عملها رول وبكذا يكون عندي عدد كبير
وسهولة بالتقديم والطبخ:$
هي اكلة نقدر نبدع فيها عن طريق التنويع بالحشوات والتزيين ونوعية التوست ( ابيض_ اسمر )
اكله بسيطة وسهلة وماتخذ وقت كبير بالاعداد والتقديم
بالعافية
اكلات تشتهر غالباً في رمضان بالذات بالسعودية .. الاكله سيدة من يعملها ببيتنا امي .. وقدرت انا بفضل الله اسويها وتطلع ممتازة نوعاً ما
من ناحية الاستدارة واللون والتقارب بالحجم بينها .. وبهذا الانجاز قررت اوثق هذة اللحظات العظيمة وانشرها ليشترك العالم بهذا الانجاز معي
ثاني مرة اجرب صبغ شعري بالبيت .. الاولى كانت صبغة غارنية بزيت الزيتون
وللأسف انتشر الشيب بشعري من بعدها
والآن قررت اجرب صبغة من ويلا اخذت لون بني وسط وماقدرت اغامر باللون ..
لكن المرة الجاية بإذن الله راح امزج لونين مع بعض
الصبغ بالبيت مريح وغير مكلف .. لكن يحتاج حرص ودقة حتى تصبغ كل الشعر والخطأ الي وقعت فيها
اني فرقت شعري بالنص واكتشفت بعدها ان بعض الشيب ماصبغ مع حرصي على ادخل الصبغة في كل مكان
هذي المواد الي استخدمتها بالبداية .. بالاضافة الى منشط لـ اللون بعد 15 يوم وبعد 30 يوم
ارتحت عليها واتوقع التجربة الجاية راح تكون من نفس الماركة ماراح اغيرها .. لأني افكر اصبغ اطراف الشعر بصبغة افتح :D
اخر عمل نفذته بالكروشيه اخذ وقت وافك وارجع اشتغل ثمن ارجع افك كم راوند وهكذا .. ترددت فيها وخربطت بالرواندات وكأني اول مرة امسك سنارة .. عجيبة
الدونات وماادراك ماالدونات .. مع ان اخر دراسة اثبتت ان الدونات خطر بحد ذاتها لماتحتويه على دهون سيئة وسكريات مركزة
وانا اثق بالدراسات المتعلقة بالاطعمة ونوعيتها .. لكن لأني مااكل الدونت كثير وبأستمرار مايضر حبة الى حبتين او ثلاث بين فترة الى فترة :)
لذالك ماافضل ولااحب الا دونات كرسبي بالذات الكلاسيك .. سابقاً ايام الكلية كانت اغلب مانشتري من دانكن دونات
بالذات الميني مع القهوة ..والان كرسبي طلعت مني بنكهات روعة لكن عيبها انها قاسية ومقارنة بالدانكن هو افضل
لكن لحبي لكرسبي اشوف كل شي منهم حلو ..
ماادري ليه في اعتقادي لابد لكل شخص قارئ ان يمر على كتب توفيق الحكيم ..تعجبني كتاباته عموماً فيها سهولة وسلاسة في الكلماتوالمفردات بالاضافة الى صبغة البيئة المصرية من خلف سطوره ..سجن العمر .. هو سيرة ذاتية للكاتب ممتع مشوق ..رائع ومثل ماتشوفون الكتب باين عليه هريان ومتبهذل من كثر ماقرأته يمكن اكثر من ثلاث مرات ..
.
.
من الافلام التي تستحق المشاهدة وانصح فيه بشدة المرأة باللبس بالاسود.. القصة من اسم الفيلم تصنيفه رعب وتشويق واكشن .. مع ان اغلب افلام الرعب لاتختلف عن بعض لكن يبقى مشوق ولابد من متابعتة
مشاهدة ممتعة
اشوف التقييمات على المنتجات تفيد الغير في تكوين فكرة عن المنتج وترك الحرية لشراءه اوالبحث عن غيرة او الاقل تجنب شراءهلسوءه او لعيوب فيه..اليوم بتكلم عن مجموعة اشتريتها وجربتها كم مرة وقررت اتكلم عنها واعطي تقييم مبدأي
من اليمين حليب مزيل للمكياج من غارنية بماء العنب للبشرة العادية والمختلطة.. ميزته خفيف بشكل ولايلبد على البشرةسعره بحدود الـ 12 ريال من محل عاديالي بعده غسول الوجة لتفتيح البشرة بخلاصة الليمون .. ماحبيته لأنه على عكس الغسول الثانية كأنه كريم عادي ومااحس انهعمل لبشرتي شي ..يكفيك نقطة بسيطة وتفركين فيه البشرة وانتهينا .. سعره ايضاً بحدود الـ 12 ريال كبسولات زيت سمك القد sevsnseas جربته من قبل لـ الشعر ولـ الاظافر ..استخدامي لها لتعويض الفيتامينات فقط من الصيدلية بـ 40 ريال ماني مستوعبة السعر اخبرها قبل بـ28 فقط وش هالطمرة العجيبة بالسعرماقبل الاخير سبراي للجسم من نكتار .. اول مره استخدم سبراي لجسمي لأنه مااقتنع فيه بصراحة ممكن استخدم جل زيت اي شيالا اني استخدم سبراي لكن قررت اجرب واخذ شي مضمون من مكان متخصص اخذت مس نكتار الحجم الصغير .. الريحة روعة وتطير العقل لكن مايثبت شويات وطاير ..افكر اجرب من باث اند بودي يمكن يعجبني .. سعره بـ 50 ريال اخر منتج هو مرطب ..لاحظ اني احتاج لكريم مرطب يومي غير منتجات فازلين بالذات انها ماتنفع لما اطلع بالشمس ودورت على منتج مدعون بالفيتامين واثناء البحث لقيت مرطب اسمه فارمسي مجدد للبشرة بخلاصة زبدة الشيا وفيتامين E برائحة الفواكةكل شي فيه حلو ومضبوط الا ريحته بالمره مو حلوه وتنفر من الكريم حتى بنات اختي لما استخدموا علقوا على الريحة ههههلكن هذا مايمنع اني ماراح استخدمه .. قدامنا رمضان والشغل فيه يحتاج كل شوي ترطيب ..بعيد عن زبدة الشيا او زيت اللوز او جليسوليد :)هذا مالدي الآن :$
قررت اخيراً وقدرة بعون الله اعمل كفر وانهيه بيومين فقط .. بعد ماكنت كل مره اغير رائي واوقف في نص الشغل وهكذا
لكن الحمدلله خلصته :D
اعتمدت على غرزة نص العامود حتى ماامل واطفش وبعد ماخلصت قررت اشتغل عواميد بالطول من غرزة السلسلة ..كان في بالي شكل معين
لكن ماعرفت اضبطه ولا لقيت شرح للي في بالي .. وطلعت بارزة شويتين بس بشكل عام راضية عن الشغل
